PowerPoint dasturiy ta'minoti boshlig'i Dennis Ostin 76 yoshida olamdan o'tdi.
1987-yilda Fore Thought nomli kichik ishlab chiquvchi tomonidan chiqarilgan PowerPoint dasturiy ta'minoti kodoskoplarning raqamli vorisi bo'lib, slaydlar yaratishning ko'p mehnat talab qiladigan jarayonini kompyuteri bo'lgan har bir kishi qila oladigan vazifaga aylantirdi.
"Dasturiy ta'minot muhandisi Ostin PowerPoint dasturidan foydalanishni osonlashtirish uchun ishlagan," — dedi Fore Thought rahbari Robert Gaskins. U, shuningdek, Ostin dizayn g'oyalarining kamida yarmini o'ylab topganini va dasturiy ta'minotning ravon ishlashi uchun to'liq javobgar ekanligini ta'kidladi.
Keyinchalik kompaniya Microsoft tomonidan sotib olindi va Ostin PowerPoint dasturini ishlab chiqishda davom etdi. U 1996-yilda nafaqaga chiqqan.
Kompaniyaning ta'kidlashicha, PowerPoint hozirda kuniga 30 milliondan ortiq taqdimot yaratish uchun ishlatiladi.