Rossiya Prezidenti Vladimir Putin va Turkiya yetakchisi Rajab Toyyib Erdog‘an telefon orqali muloqot qildi. Bu haqda «Interfaks» nashri yozmoqda.
Qayd etilishicha, davlat rahbarlari ikki tomonlama munosabatlar va mintaqaviy masalalarni muhokama qilgan.
Suhbat g‘alla yo‘lagi va terrorizmga qarshi kurash mavzularida bo‘lgan. Erdog‘an Putinga tomonlar g‘alla yo‘lagi orqali turli oziq-ovqat mahsulotlarini eksport qilish ustida ish boshlashi mumkinligini aytgan.
Anqara rahbari, shuningdek, “Turkiyaning Suriya bilan chegarasini PKK terrorchilaridan kamida 30 km masofada tozalash” zarurligini yana bir bor taʼkidlagan.