Joriy yilning 24 noyabr kuni Kitob tumani “Oqsuv” MFY, Xo‘jaisparoz qishlog‘ida yashovchi 1998 yilda tugilgan erkak shu kuni soat 13:00 atrofida yashash xonadonida ruhiyatida sodir bo‘lgan o‘zgarishlar oqibatida oshxona pichog‘i bilan 1996 yilda tug‘ilgan turmush o‘rtog‘i hamda 2024 yilda tug‘ilgan qizini qasddan o‘ldirgan.
Shundan so‘ng, u yashash uyining xo‘jalik binosida arqondan sirtmoq yasab, o‘zini osib o‘z joniga qasd qilgan.
Mazkur holat yuzasidan Kitob tumani prokurori tomonidan JKning 97-moddasi bilan jinoyat ishi qo‘zg‘atilgan.
Gumonlanuvchi shaxs (marhum) 2006 yildan buyon viloyat ruhiy asab kasalliklari shifoxonasida ro‘yxatda turgan.