Qashqadaryo viloyatining Qarshi tumanida qutqaruvchilar tomonidan kanalga tushib ketgan avtomashina chiqarib olindi. Bu haqida viloyat FVB xabar bermoqda.
Qayd etilishicha, 7 iyul kuni soat 18:52 larda Qarshi tumani “Shoyxo‘ja” MFY hududidan oqib o‘tuvchi Qarshi bosh kanaliga “Lada” (VAZ-2105) rusumli avtomobil haydovchining ehtiyotsizligi oqibatida tushib ketganligi to‘g‘risida xabar kelib tushgan.
Shunga ko‘ra, zudlik bilan aytilgan manzilga qutqaruvchilar yetib borib, maxsus asbob-anjomlar yordamida avtomobil kanaldan olib chiqilgan. Hodisa oqibatida tan jarohati olganlar yo‘q.