Kecha, 11 iyun kuni Qashqadaryo viloyati Yakkabog‘ tumanida Neksiya–3 rusumli avtomashina yo‘l-transport hodisasiga uchradi. Bu bo‘yicha viloyat IIB axborot xizmati ma’lumot berdi.
Xabar qilinishicha, hodisa Yakkabog‘ tumani Qo‘tontepa qishlog‘i hududidan o‘tuvchi “Yakkabog‘–Chiroqchi–Sho‘rbozor” avtomabil yo‘lining 6-kilometrida yuz bergan. “Chiroqchi–Yakkabog‘” yo‘nalishi bo‘ylab harakatlanib kelayotgan fuqaro X. D. avtomashina boshqaruvini yo‘qotib, o‘zining harakat yo‘nalishidan yo‘lning o‘ng tomon chetiga chiqib ketgan va ag‘darilgan.
Hozirda mazkur holat yuzasidan tergovga qadar surishtiruv harakatlari olib borilmoqda.