Қашқадарёда хонадонида эшак сўйган эр-хотин жазога тортилди
Ички ишлар бўлими томонидан текширув ва тергов давомида Абдуҳамид қишлоғида яшовчи фуқаро Н.Р.нинг яшаш хонадонида эшак ҳайвонлари сўйилаётгани тасдиқланган.
9 июнь куни ўз хонадонида эшак сўйишни касб қилиб олган фуқаро Н.Р. ва унинг турмуш ўртоғи С.А.ларнинг ҳатти-ҳаракатлари Жиноят ишлари бўйича Нишон тумани суди томонидан кўриб чиқилиб, суд ҳукми ўқилди.
Суд қарорига кўра, фуқаро Н.Р.га нисбатан Маъмурий жавобгарлик тўғрисидаги кодекснинг 111-моддаси 2-қисми ва 161-модда билан 10 сутка қамоқ жазоси тайинланди ҳамда турмуш ўртоғи С.А.га нисбатан Маъмурий Жавобгарлик тўғрисидаги Кодекснинг 111-моддасига асосан энг кам иш ҳақининг 2 баробари миқдорида жаримага тортилди.
