Atirau shahrida davlat bayrog‘ini teskari osib qo‘ygan pudratchi tashkilot xodimi ma’muriy javobgarlikka tortildi.
“Tengrinews.kz” nashrining xabar berishicha, holat shaharning markaziy bayroq ustunida sodir bo‘lgan. Bayroqni ko‘tarish jarayonida texnik xatolik yuz bergan bo‘lib, u qisqa fursatda bartaraf etilgan. Davlat ramzi joyiga to‘g‘ri tarzda o‘rnatilgan.
Vakolatli organlar tomonidan o‘tkazilgan tekshiruv natijasida pudratchi xodimga nisbatan Qozog‘iston Respublikasi Ma’muriy javobgarlik to‘g‘risidagi kodeksining 458-moddasi (“Davlat ramzlaridan foydalanish qoidalarini buzish”) asosida jarima qo‘llanildi.
Mazkur modda doirasida xodim 184 ming 600 tenge (taxminan 4,1 million so‘m) miqdorida jarimaga tortilgan.