Украина уруш тугашига яқинлашди — Зеленский
Бунда Трампнинг сиёсий таъсири катта роль ўйнамоқда.
Украина президенти Владимир Зеленский мамлакат Россия билан олиб бораётган урушнинг якунига яқинлашаётганини билдирди.
Зеленский журналистларга берган интервьюсида Трампнинг сиёсий таъсири ва дипломатик имкониятлари Россияга босим ўтказиш ҳамда музокаралар жараёнини жонлантиришда муҳим роль ўйнаётганини таъкидлади.
“Мен ишонаманки, президент Трамп бу урушни тугатишга жиддий таъсир кўрсата олади. Фақат кучли босим билангина Путин реалликни тушунади”, — деди Зеленский. У, шунингдек, уруш тугашидан аввал АҚШ ва Европа ҳамкорлари томонидан қўллаб-қувватланадиган ҳужжатлар тайёрланиши зарурлигини айтди.
Зеленский Трампни “ноаниқ, лекин глобал таъсир кучига эга етакчи” сифатида баҳолаб, унинг сиёсий фаоллиги Украинадаги можаро ечимига тезроқ олиб келишига умид билдирди.
Мутахассислар эса Трампнинг Украина бўйича аниқ сиёсий позицияси ҳали номаълумлигини, у илгари Россия билан “ҳудудий келишув” таклифларини ҳам тилга олганини эслатмоқда. Шунга қарамай, Зеленский АҚШ етакчилигидаги дипломатик босим урушни якунлашдаги энг муҳим омил бўлиши мумкинлигини таъкидлади.
