Rossiya va Ukraina o‘rtasida navbatdagi harbiy asirlar almashinuvi amalga oshirildi. Rossiya Mudofaa vazirligining rasmiy bayonotiga ko‘ra, har ikki tomondan 205 nafardan harbiy xizmatchi vatanga qaytarilgan.
Almashinuv Belarus hududida, Birlashgan Arab Amirliklari vositachiligida tashkil etildi.
Ukraina prezidenti Vladimir Zelenskiy almashinuvni tasdiqlab, BAA hukumatiga vositachilik qilgani uchun minnatdorlik bildirgan. Shuningdek, u qaytganlar orasida Mariupol himoyachilari ham borligini ta’kidlagan.