Rossiya prezidenti Vladimir Putin mehnat migrantlari uchun majburiy tibbiy sug‘urta (MTS) polislari berish muddatini uch yildan besh yilga oshiruvchi qonunni imzoladi deydi Interfax nashri. Endilikda mamlakatda qonuniy ishlayotgan chet ellik fuqarolar (yuqori malakali mutaxassislar bundan mustasno) bepul tibbiy yordamdan foydalanish uchun Rossiyada kamida besh yil mehnat stajiga ega bo‘lishi lozim. Favqulodda vaziyatlar bundan mustasno.
Qonun Rossiya byudjeti shakllantirilishida taqdim etilgan tashabbuslar paketining bir qismi sifatida qabul qilindi va mamlakatda sog‘liqni saqlash xizmatlarining samaradorligini oshirishga qaratilgan.
Davlat Dumasi spikeri Vyacheslav Volodinning ta’kidlashicha, ushbu o‘zgartirish muhojirlar va sog‘liqni saqlash tizimi o‘rtasidagi nizolarni kamaytirishga, shuningdek, mamlakat byudjetini barqarorlashtirishga xizmat qiladi.