Samarqanddan Rossiya, Qozog‘iston, Turkiya shaharlariga aviaqatnovlar tiklanadi. Bu haqda Uzbekistan Airways matbuot xizmati xabar qildi.
Unga ko‘ra, 17-dekabrdan boshlab quyidagi yo‘nalishlarda aviaqatnovlar yo‘lga qo‘yiladi:
Samarqand-Moskva-Samarqand;
Samarqand-Istanbul-Samarqand;
Samarqand-Olmaota-Samarqand;
Samarqand-Sankt-Peterburg-Samarqand.
Uzunligi 3105 metr va eni 60 metr bo‘lgan uchish-qo‘nish yo‘lagi va 24 ta samolyot to‘xtash joyiga mo‘ljallangan perronni o‘z ichiga olgan yangi aerodrom majmuasi qurilishi to‘liq yakunlandi. Aerodrom majmuasi zamonaviy energiya tejovchi yorug‘lik signalizatsiya uskunalari va IKAOning ikkinchi toifasiga mos keladigan qo‘nish tizimi bilan jihozlandi.
Aerovokzal majmuasi qurilishi esa davom etmoqda.
Javohirbek Tursunov
