Arabistoni hukumati tarixda ilk marotaba ayollarga musulmon ziyoratgohlarini boshqarishga ruxsat bergani aytilmoqda. Maʼlum qilinishicha, ikki muqaddas joyning bosh raisi Abdulrahmon Sudays ziyoratchilar bilan aloqalarni rivojlantirishda uning yordamchilari sifatida ikki ayol Anud al-Abud va Fotima ar-Rashid tayinlanganini eʼlon qilgan. Bu haqda Al-Arabiya telekanali xabar bergan.

 

Bundan tashqari, ziyoratchilarni qabul qilish sifatini yaxshilash maqsadida 320 ayol xodimlar maxsus dastur bo‘yicha malaka oshirishi maʼlum qilingan. Saudiyalik dinshunos olim Muhammad Abu Hafs al-hurray telekanaliga bergan intervyusida, ushbu qarorni “jiddiy qadam” deb atagan va Saudiya Arabistoni kabi konservativ davlatda bunday tayinlanishlarni tasavvur qilishning iloji yo‘qligini tushuntirgan.