SHHT Mintaqaviy aksilterror tuzilmasi (MATT) Qoraqalpog‘istondagi vaziyatni beqarorlashtirishga urinishlarni qoraladi. Bu haqda tuzilma rasmiy saytiga joylangan bayonotda so‘z boradi.
“SHHT MATT ijroiya qo‘mitasi ijtimoiy-siyosiy vaziyatning beqarorlashtirishga qilingan antikonstitutsion harakatlarni qoralab, barqarorlik, xavfsizlik va barqaror taraqqiyoti qo‘llab-quvvatlab, O‘zbekiston Respublikasi hukumatining qonuniylik va huquqni muhofaza qilish, fuqarolar huquqlari va erkinliklarini himoya qilish, millatlararo hamjihatlik hamda ko‘p millatli O‘zbekistondagi barcha xalqlarning tinch-totuv yashashini saqlab qolishga qaratilgan harakatlarini qo‘llab-quvvatlaydi”, – deyiladi bayonotda.
Avvalroq Nukus xalqaro aeroportiga hujum qilingani haqida maʼlumot berilgandi.