2023-yilgi Nobel mukofotining tibbiyot va fiziologiya bo‘yicha sovrindorlari nomi ma’lum bo‘ldi. Ulardan biri vengriyalik Katalin Kariko bo‘lsa, ikkinchichi amerikalik Dryu Vaysmandir. Har ikki tadqiqotchi — AQSHning Pensilvaniya universiteti olimlari.
Ularning molekulyar biologiya sohasidagi izlanishlari koronavirusga qarshi "Moderna" va "BioNTech/Pfizer", ya’ni mRNK vaksinalarining yaratilishiga yordam berdi. Natijada ushbu kashfiyot Nobel mukofoti uchun asos bo‘ldi.