AQShdagi TikTok foydalanuvchilari mashhur ijtimoiy tarmoqda uzilishlar kuzatilayotganini bildirgan. Downdetector ma'lumotlariga ko‘ra, minglab foydalanuvchilar servis ishlamayotgani haqida shikoyat qilgan.
Toshkent vaqti bilan 8:26 da murojaatlar soni 48 mingdan oshgan bo‘lsa, yarim soat o‘tib bu ko‘rsatkich 2 ming atrofida qolgan. Uzilishlar asosan dastur ishlashi, serverga ulanish va xabar yuborish bilan bog‘liq bo‘lgan.
Hozircha TikTok kompaniyasi ushbu uzilishlar yuzasidan rasmiy izoh bergani yo‘q.