Bugun, 12 sentyabr kuni soat 16:25 lar atrofida “Chilonzor” yo‘lining Milliy bog‘ bekatidan harakatlanishi lozim bo‘lgan 21-sonli harakat tarkibida texnik nosozlik holati kuzatilgan.
Belgilangan yo‘riqnomaga asosan, yo‘lovchilar va harakat xavfsizligini taʼminlash maqsadida poyezddagi yo‘lovchilar bekatga tushirilgan.
Shundan so‘ng poyezd ortdan yuborilgan 6-sonli harakat tarkibi orqali tirkamaga olinib, yuzaga kelgan kamchilikni aniqlash hamda bartaraf etish uchun tekshiruv yo‘lagi tomon olib ketilgan.
Hozirgi vaqtda yo‘nalishdagi poyezdlar belgilangan jadvalga asosan harakatlanmoqda.