Bugun, 1-sentabr kuni Toshkent shahrining 4 ta ko‘chasida avtomobillar harakati 5 soatga cheklanadi. Bu haqda shahar IIBB axborot xizmati xabar berdi.
Ma’lum qilinishicha, O‘zbekiston Respublikasi davlat mustaqilligining 31 yilligi munosabati bilan bayram tadbiri o‘tkazilishi rejalashtirilgan. Shu sababli poytaxtning «Yangi O‘zbekiston», «Maxtumquli», «Tabarruk» va «Cho‘lpon» ko‘chalarida soat 19.00 dan 24.00 gacha bo‘lgan vaqt oralig‘ida avtotransport vositalari harakati to‘xtatiladi.
«Yuzaga kelayotgan noqulayliklar uchun uzr so‘raymiz va aylanma yo‘llardan foydalanishni tavsiya qilamiz», — deyiladi xabarda.