AQSh prezidenti Donald Tramp Ukraina prezidenti Vladimir Zelenskiy bilan uchrashuv chog‘ida “Tomahawk” uzoq masofali raketalarini yetkazib berish taklifini rad etdi.
Uchrashuv 17-oktyabr kuni Vashingtonda bo‘lib o‘tgan. Trampning so‘zlariga ko‘ra, bunday qurollarni topshirish mojaroning yanada keskinlashishiga olib kelishi mumkin.
“Biz mintaqada tinchlik o‘rnatishga intilamiz, raketa hujumlarini ko‘paytirishga emas”, — degan Tramp.
Manbalarga ko‘ra, Trampning bu qarori Rossiya prezidenti Vladimir Putin bilan bo‘lgan telefon suhbati ortidan qabul qilingan. Suhbatda tomonlar urushni muzlatilgan front chizig‘i holatida to‘xtatish bo‘yicha muhokama olib borgan.
Kuzatuvchilarning fikricha, Trampning qarori AQShning yangi tashqi siyosat yo‘nalishini, ya’ni harbiy eskalatsiyani emas, diplomatik muzokaralarni afzal ko‘rishini ko‘rsatmoqda.