Улоқ-кўпкарининг оломон-кўпкаридан қандай фарқи бор — фоторепортаж
Хивада Халқаро этноспорт фестивалининг иккинчи кунги баҳслари бўлиб ўтмоқда. “Ичан-қалъа” мажмуасида чавандозлар беллашувлари қизғин тусга кирган.
Айни дамда улоқ-кўпкари спорт тури бўйича ҳам беллашувлар ўтказилмоқда.
Бўлиб ўтаётган ушбу улоқ-кўпкари мусобақаси халқимизнинг севимли оломон-кўпкари ўйинидан тубдан фарқ қилади.
Этноспорт фестивали доирасида ўтаётган мазкур спорт тури бўйича баҳсларда икки жамоа ғолиблик учун кураш олиб боради ва ҳар бир жамоадан тўрттадан иштирокчи қатнашади.
Оломон-кўпкарида эса чавандозларнинг сони чекланмаган бўлиб, унда 100 нафардан 500 нафаргача бўлган полвонлар махсус соврин учун беллашишади.
“Ичан-қалъа” мажмуасида ўтаётган от спорти мусобақаларида дунёнинг ўндан ортиқ давлатидан чавандозлар иштирок этишмоқда.
