Majburiy ijro byurosining Urganch tumani bo‘limi ish yurituviga fuqarolik ishlari bo‘yicha Urganch tumanlararo sudining ijro varaqasiga asosan Urganch tumani, G‘oybu qishlog‘i, “Cho‘lobod” mahallasi hududida javobgar M. Atajanova tomonidan noqonuniy egallangan 640,0 kv.metrga yer maydonida o‘zboshimchalik bilan qurilgan qurilma javobgar M. Atajanova hisobidan bartaraf qilish va yer maydonini o‘z holiga keltirish to‘g‘risidagi ijro hujjati 21.12.2023 yil kuni kelib tushgan.
Ijro hujjati talablarini ixtiyoriy ravishda bajarishi uchun bir necha marotaba ogohlantirishlarga qaramasdan, qarzdor noqonuniy qurilgan qurilmani buzmagan.
Olib borilgan ijro harakatlari davomida davlat ijrochilari tomonidan mazkur ijro varaqada belgilangan noqonuniy qurilgan qurilmani majburiy tartibda buzdirilib, ijro hujjati bo‘yicha ish yurituvi tamomlandi.