Nodavlat xususiy tibbiyot tashkilotlarida 130 tibbiy ixtisosliklardan 18 yo‘nalishida yuqori texnologik va murakkab jarrohlik operatsiyalari bajarilyapti. Bu haqda Sog‘liqni saqlash vazirligi matbuot xizmatining xabar berdi.
Tibbiyot sohasida hozirgi kunda yurtimizda 7,5 mingga yaqin yuridik shaxs litsenziyaga ega:
– Ularning barchasida ambulator;
– 20 foizida statsionar tibbiy xizmatlar yo‘lga qo‘yilgan.
Mamlakatimiz tibbiyot muassasalaridagi o‘rin-joylarning 26 foizi xususiy sektor hissasiga to‘g‘ri kelmoqda.
Nodavlat tibbiyot tashkilotlarida:
– 16,3 ming nafardan ziyod shifokor,
– 25,5 mingga yaqin o‘rta tibbiyot xodimi faoliyat ko‘rsatmoqda.
.
Xususiy sektorga davlat byudjeti mablag‘lari hisobidan:
– travmatologiya va ortopediya,
– akusherlik va ginekologiya,
– ko‘z mikroxirurgiyasi,
– urologiya,
– kardiologiya ixtisosliklari bo‘yicha tibbiy xizmat ko‘rsatishga ruxsat berildi.