Yaponiyaning Gifadagi Qizil Xoch kasalxonasi ichki qoidalarni buzgan shifokor va hamshiralar tufayli yuzaga kelgan janjaldan so‘ng, bemorlarga kompensatsiya to‘laydi.
Ma'lum qilinishicha, ushbu muassasada 2005-yildan buyon to‘liq chekish taqiqlangan bo‘lishiga qaramay, 16 nafar xodim – jumladan shifokorlar, hamshiralar va ma’muriyat vakillari – yillar davomida yashirincha chekishgan. Bu holat bemorlar va jamoatchilik uchun katta umidsizlikka aylandi, chunki kasalxona sog‘lom turmush tarzini faol targ‘ib qilib, hatto chekishni tashlashga yordam beruvchi bo‘limni ham ochgan edi.
Yaponiya milliy tibbiy sug‘urtasi tartiblariga ko‘ra, bunday klinikalar davlatdan to‘lov olish uchun butun hududda chekishni qat’iyan taqiqlashi shart. Mazkur talab buzilgani aniqlangach, shifoxona 2006-yildan 2024-yilgacha noqonuniy olingan mablag‘ – taxminan 30 ming AQSh dollarini (4,5 million iyen) qaytarishga qaror qildi. Bu mablag‘ 750 ga yaqin bemorga, shuningdek, sug‘urta fondlariga kompensatsiya tariqasida to‘lanadi.
Kasalxona rahbariyati: “Sog‘lom turmush tarzini targ‘ib qiluvchi tibbiyot muassasasida bunday holat yuz berganidan chuqur afsusdamiz”-deya rasmiy bayonot berdi.