UEFA rasmiy saytida ovoz berish natijalariga ko‘ra Chempionlar Ligasi 2-turining eng yaxshi futbolchisi aniqlandi. Mukofot yakunda Madridning "Atletiko" klubi hujumchisi Alvaro Morataga nasib qildi. 30 yoshli forvard "Feyenoord" bilan o‘yinda (3:2) dubl qayd etdi va g‘alaba goliga mualliflik qildi.
Eslatib o‘tamiz, Alvaro Morata joriy mavsumni sermahsul o‘tkazmoqda. U barcha musobaqalarda 8 ta o‘yinda 7 ta gol urdi.
Shuningdek, Chempionlar Ligasida haftaning eng yaxshi futbolchisi bo‘lish uchun "Real" yarim himoyachisi Jud Bellingem, "Braga" vingeri Bruma va "Manchester Yunayted" hujumchisi Rasmus Xoylund da’vogarlik qilishdi.