Йирик брендлар Twitter’да реклама беришни тўхтатди
Улар Маскнинг қарорларидан норози.
Ижтимоий тармоқнинг янги эгаси Илон Маскнинг компания бошқарувидаги бетартиб ёндашуви туфайли дунёнинг аксарият йирик брендлари Twitter’даги рекламаларини тўхтатиб қўйди. Бу ҳақда “Financial Times” нашри ёзмоқда.
100 та энг яхши реклама берувчилардан 50 таси Маск ижтимоий тармоқни сотиб олганидан кейин харажатларни тўхтатиб қўйган ёки тўхтатиш ниятини билдирган.
Қайд этилишича, компаниялар “Контентни назорат қилишда Маскнинг танлаб ёндашуви” ва реклама бўлимидаги ходимларни ишдан бўшатиш қароридан шикоят қилган.
Нашр маълумотларига кўра,Twitter’даги оммавий ишдан бўшатишлардан сўнг агентликлар Маск компанияси билан алоқада бўлмаган. Бошқалар эса реклама тизимлари яхши ишламаётганидан шикоят қилишган.
Саноат инсайдерларининг хабар қилишича, Маск баъзи бренд раҳбарларига қўнғироқ қилишга уринган. Натижада бошқалар Маск билан муносабатларини ёмонлаштирмаслик учун харажатларини минимал даражага қисқартиришга қарор қилишган.
