Зеленский ғалабадан кейинги режаларини маълум қилди
У жиддий ўзгаришлар бўлишини таъкидлади.
Ғалабадан кейин Украина бир неча йил ичида Европа Иттифоқининг тўлақонли аъзосига айланади. Бу ҳақда Президент Владимир Зеленский айтиб ўтди.
“Биз аллақачон номзод мақомини олдик — уруш пайтида ҳам бу борада қаттиқ ишладик... Мамлакат Европа Иттифоқи томон йўлни танлади. Икки-уч йил ичида биз Европа Иттифоқига аъзо бўлишимизга шубҳа йўқ. Биз ҳеч бўлмаганда қонунчилик йўлида ҳам, ҳамкорларимиз билан мулоқотда ҳам аниқ ҳаракат қилмоқдамиз. Кўпчилик Европа Иттифоқи давлатлари бизни қўлламоқда”, — деди Зеленский.
Унинг таъкидлашича, Украина шунингдек, НАТОга аъзо бўлиш йўлида хавфсизлик кафолатлари бўйича ҳам келишув тайёрламоқда.
“Мен айтиб ўтган бу икки йўналиш аллақачон Украинанинг Европа давлати бўлишини кўрсатмоқда”, — деди Киев раҳбари.
