Токио-2020: Иккинчи кун дастурларида ҳамюртларимизнинг иштироки

Бугун Токио-2020 Олимпия ўйинларининг иккинчи куни. Ушбу кун дастурида делегациямизнинг 11 нафар вакили иштирок этади. Қуйида ҳамюртларимизнинг иштироки билан боғлиқ маълумотларни кузатиб боришингиз мумкин:

06:10. Академик эшкак эшиш. Шаҳбоз Холмирзаев ва Собир Сафаралиев. Енгил қайиқдаги жуфтлик баҳсларида иштирок этаётган вакилларимиз ушбу босқичда ҳам тўртинчи натижани қайд этишди. Эндиликда улар 13-18 ўринлар учун курашни давом эттиришади.

06:15. Таэквондо, -68 кг: Улуғбек Рашитов. Дастлабки саралаш босқичида ҳамюртимизга малилик Сейду Мофана рақиблик қилди. Муросасиз кечган жангда вакилимиз 38:17 ҳисобида ғалаба қозониб, чорак финалга йўл олди. Ҳамюртимиз ярим финал йўлланмаси учун 3 карра жаҳон чемпиони, Олимпия ўйинларининг 2 карра совриндори жанубий кореялик Ли Де Хунга қарши даянга чиқади.

07:00. Бокс, -51 кг: Турсуной Раҳимова – Сандра Драбик (Полша). -51 кг вазн тоифасида рингга кўтарилган вакилимиз полшалик Сандра Драбикка қарши баҳс олиб борди. Қизиқарли кечган баҳсда чиройли жанг ўтказган Раҳимова рақибаси устидан иродали ғалабага эришди. Шу тариқа Раҳимова Олимпия ўйинларида ғалабага эришган илк боксчи қизимиз сифатида тарихга кирмоқда. Унинг кейинги босқичдаги рақибаси туркиялик Бусе Наз Чакироўғлу бўлади.

07:30. Дзюдо. Диёра Келдиёрова – Сосербарам Лхагвасурен (Мўғилистон)

Сардор Нуриллаев – Денис Виеру (Молдова)

09:00. Велошоссе, гуруҳ пойгаси: Олга Забелинская 137 км

13:05. Спорт гимнастикаси. Саралаш, таяниб сакраш: Оксана Чусовитина

14:20. Бокс, -63 кг: Элнур Абдураимов – Чинзориг Батарсух (Мўғилистон)

15:50. Оғир атлетика, -67 кг: Адҳамжон Эргашев

16:45. Бокс, -81 кг: Дилшод Рўзметов – Эммет Бреннан (Ирландия)