Алкоголь ва тамаки маҳсулотларининг акциз маркаланишига ўзгартиришлар киритилади

 

Жорий йилнинг 2 ноябрь куни "Алкоголь ва тамаки маҳсулотларининг акциз маркаланишига ўзгартиришлар киритиш тўғрисида"ги ҳукумат қарори қабул қилинди.

 

Қарорга кўра, 2022 йил 1 ноябрдан 1 декабргача тажриба тариқасида табиий вино маҳсулотлари ва шампань виноларига акциз маркалари қўйилмайди. Бироқ рақамли белгиларга қўйиладиган талаблар сақланиб қолмоқда.

 

Қайд этилишича, сигаретлардан ташқари тамаки маҳсулотларини ишлаб чиқарувчилар ва импорт қилувчилар (жумладан, тутунсиз тамаки маҳсулотлари, никотинли снус, никотин суюқликлари ва электрон сигареталар) онлайн маркалаш тизимида рўйхатдан ўтишлари ва ушбу маҳсулотлар тўғрисидаги маълумотларни киритишлари керак.

 

Маълумот учун: рўйхатга олиш муддати 2022 йил 1 сентябргача ёки ушбу фаолият бошланган кундан бошлаб 7 кун ичида бўлади.

 

Эслатиб ўтамиз, 2022 йил 1 октябрдан бошлаб сигаретсиз тамаки маҳсулотларининг ўрамлари рақамли белгиланиши, 2023 йил 1 мартдан бошлаб уларнинг айланмаси ҳақидаги барча маълумотлар ёрлиқлаш тизимига киритилиши керак.

 

Аввалроқ "Янги Ўзбекистон" савдо белгиси билан алкоголь маҳсулот ишлаб чиқарилиши, алкоголь маҳсулотларини ноқонуний муомалага киритган шахслар қўлга олингани, спиртли ичимлик ичиш саратонга олиб келиши аниқлангани ҳамда Оҳангаронда 1 миллиард сўмдан зиёд ноқонуний товарлар  ушлаб қолингани ҳақида хабар берилганди.