Алкоголь маҳсулотларини ноқонуний муомалага киритган шахслар қўлга олинди
Маълум бўлишича, Бош прокуратура ҳузуридаги Департаментнинг Тошкент шаҳар бошқармаси томонидан Тошкент шаҳар ИИББ билан ҳамкорликда тезкор тадбир ўтказилди.
Тадбир давомида, фуқаролар А.А. ва Х.Х.лар олдиндан тил бириктириб, алкоголь маҳсулотларини ноқонуний муомалага киритиш орқали даромад орттиришни мақсад қилади. Оқибатда, фуқаро Р.га чет элда ишлаб чиқарилган акциз маркалар билан елимланмаган 1 литр ҳажмдаги 100 дона “Yeni Raki” номли алкоголь маҳсулотини жами 3 300 АҚШ долларига сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, бундан аввал Тошкентда 15 миллиард сўмга яқин ноқонуний товарлар йўқ қилингани ҳамда спиртли ичимлик ичиш саратонга олиб келиши аниқланганди. Шуниндек, “Сoca -cola” Ўзбекистон давлат улушини “Coca-cola iecek” сотиб олиши ҳақида хабар берилганди.
Чўлпоной Аҳмедова
