Абдулазиз Комилов Тожикистонга ташриф буюради
Учрашув кун тартибига халқаро ва минтақавий сиёсат масалалари ҳам киритилган.
Ташқи ишлар вазирлиги ахборот хизмати хабарига кўра, жорий йилнинг 22 ноябрь куни вазир Абдулазиз Комилов “Европа Иттифоқи – Марказий Осиё” шаклидаги навбатдаги вазирлар учрашувида иштирок этиш учун Душанбе шаҳрига ташриф буюради.
Қайд этилишича, ушбу учрашувда Европа Иттифоқи ва Марказий Осиё давлатлари ўртасидаги муносабатларнинг ҳозирги ҳолати ва истиқболлари, ЙИнинг Марказий Осиё бўйича стратегиясини амалга ошириш масалалари муҳокама қилинади.
Шунингдек, ўзаро муносабатлар истиқболлари ҳамда минтақалараро ҳамкорлик самарадорлигини ошириш юзасидан фикр алмашиш режалаштирилган.
Эслатиб ўтамиз, аввалроқ АҚШлик эксперт Ўзбекистон Афғонистондаги вазият барқарорлашувида муҳим роль ўйнаши мумкинлигини айтганди. Шунингдек, Абдулазиз Комилов Теҳрондаги Афғонистон масаласига бағишланган учрашувда иштирок этгани, Саудия Арабистони Қироллигининг Фавқулодда вa мухтор элчисини қабул қилгани ҳамда Германия ташқи ишлар вазири билан учрашув ўтказгани ҳақида хабар берилганди.
