"Қизил иблислар"нинг ўйини қолдирилиши мумкин
"Манчестер Юнайтед" жамоада коронавирус тарқалиши бўйича баёнот берди.
Клуб касалликнинг кейинги тарқалиш хавфини минималлаштириш учун машғулотлар базасини бир кунга ёпишини эълон қилди. Тестдан ижобий ўтган футболчилар изоляция қилинди.
"Машғулотларнинг бекор қилингани ва жамоада ўйинчилар ва ходимларнинг соғлиғини ҳисобга олган ҳолда, клуб сешанба куни "Брентфорд"га қарши ўйнаш хавфсизми ёки йўқлигини премьер-лига билан муҳокама қилмоқда.
Жамоа ва ходимларнинг Лондонга сафари ушбу муҳокама натижалари қабул қилинмагунча қолдирилади", - дейилади "манкунианликлар" баёнотида.
Маълумот учун: айни дамда "Манчестер Юнайтед" клуби Англия премьер-лигасида 27 очко жамғарган ҳолда турнир жадвалида 5-ўринни эгаллаб турибди.
Аввaлроқ, Маркус Решфорд Манчестер университети тарихидаги энг ёш фахрий докторга айлангани ва Криштиану Роналду "Манчестер Юнайтед"дан кетмоқчилиги ҳақида хабар берилганди.
Жамшиддбек Амиров
