Джокович коронавиурсга қарши дори ишлаб чиқадиган компания акцияларини сотиб олди
Акцияларнинг сотиб олиниши Австралиядаги можаро билан боғлиқ эмас.
Яқинда можаролар марказида бўлган сербиялик теннисчи Новак Джокович коронавирус инфекциясига қарши дори воситалари ишлаб чиқувчи Даниянинг QuantBioRes компаниясининг 80% акцияларини сотиб олгани аниқ бўлди.
Бу ҳақда Reuters агентлиги хабар қилмоқда.
Компаниянинг ижрочи директори Иван Лонкаревич дунёнинг биринчи ракеткаси бу акцияларни 2020 йилнинг июнь ойида сотиб олганини айтди. Инвестиция миқдори очиқланмаяпти.
Лонкаревчининг сўзларига кўра, ҳозирда QuantBioRes тўқималарни коронавирус билан зарарланишдан ҳимоя қилувчи петид яратиш устида иш олиб бормоқда.
Клиник синовлар 2022 йил ёзида Буюк Британияда бошланиши режалаштирилган.
Эслатиб ўтамиз, Мельбурндаги теннис бўйича Австралия очиқ чемпионатига йўл олган Джоковичнинг визаси икки марта бекор қилинган ва ҳатто унга қамоқ жазоси ва катта миқдорда жарима хавф солган эди.
