"Биз кузатяпмиз" — Сергей Наришкин
Россия разведкаси раҳбари "Толибон" ҳокимияти тан олиниши масаласига изоҳ берди.
Россия ва Афғонистоннинг бошқа қўшнилари "Толибон"ни тан олиш бўйича кутиш позициясини қўлламоқда.
Бу ҳақда Россия ташқи разведка хизмати директори Сергей Наришкин маълум қилди.
У "Толибон" 15 йилдан сўнг ҳокимиятни қайта қўлга киритганини, эндиликда бошқа дин вакилларига нисбатан тоқатли бўлиш, гиёҳванд моддалар етиштиришга қарши кураш, радикал ва террорчи гуруҳларни қўллаб-қувватламасликка ваъда берганини таъкидлаган.
Унинг сўзларига кўра, Афғонистон қўшнилари — Россия, Хитой, Иран ва туркия вазиятни кузатмоқда. "Толиблар ўзининг ижобий томонга ўзгарганини амалий қадамлар билан исботлаши керак", — деган Наришкин.
Маълумот ўрнида: Ҳозирда "Толибон" ҳокимияти бирор-бир давлат томонидан тан олинмаган. Шу билан бирга у билан ишчи алоқалар ўрнатилган. Толиблар Афғонистонда айни пайтда реал қудратга эга.
Мамлакатдаги гуманитар инқироз янада чуқурлашмаслиги учун мулоқот олиб бормоқда.
Эслатиб ўтамиз, аввалроқ Туркия Мозори-Шарифдаги консулхонасини қайта очишини маълум қилганди.
Жаҳонгир Қўзиев
