Шанхайда қаттиқ "блокировка" жорий этилди
Шаҳарда офис ва корхоналар ёпилади, жамоат транспорти ҳаракати тўхтатилади.
Хитойнинг Шанхай шаҳрида коронавирусининг авж олиши фонида, душанба куни охирги икки йилдаги энг қаттиқ блокировка бошланди.
Биринчи босқичда Шанхайнинг Пудонг иқтисодий тумани ва унинг атрофидаги ҳудудлар душанбадан жумагача ёпилади. Иккинчи босқич жума куни бошланади.
Ушбу даврда аҳолидан уйда қолиш талаб қилинади. Муҳим ҳисобланмаган офис ва корхоналар ёпилади, жамоат транспорти ҳаракати тўхтатилади. Шунингдек, "блокировка" пайтида шаҳар аҳолиси CОVID-19га қарши оммавий эмланади.
Якшанба куни Шанхайда 3 500 га яқин одамда коронавирус аниқланган. Улардан атиги 50 нафарида CОVID-19 аломатлари мавжуд.
Хитой CОVID-19 нисбатан “нол бардошлик” сиёсатига эга бўлган дунёдаги кам сонли давлатлардан бири бўлиб қолмоқда. Бу вирус тарқалишини қаттиқ "блокировка"лар ва касалланган фуқаролар билан алоқада бўлганлар учун мажбурий карантин орқали чеклашни англатади.
Хитойда пандемиянинг бутун даври давомида 144,5 мингга яқин коронавирус инфекцияси аниқланган ва касаллик оқибатларидан 4,6 мингга яқин фуқаро вафот этган.
