“Мен билан уришмоқчи бўлган манаман деган боксчиларга қарши жанг қиламан”
Нурсултон Рўзибоев март ойидаги дебюти ва унинг атрофида айланаётган танқидларга жавоб қайтарди.
Ўзбекистонлик ММА жангчиси Нурсултон Рўзибоев жорий йилнинг 14 март куни Тошкентда бўлиб ўтган бокс кечасида рингга кўтарилганидан хабарингиз бор. Кечанинг марказий жангида иштирок этган Нурсултон Тошкент вилояти вакили Баҳром Паёзовни иккинчи раундда техник нокаутга учратди ва шу тариқа профессионал боксдаги дебютини ғалаба билан бошлаб олди. 79.3 кг вазн тоифасида 6 раундга мўлжалланган жангни у муддатидан аввал якунлади. Спортчининг боксдаги ушбу чиқиши эса муҳокамаларга сабаб бўлди. Шу боис унга берган дастлабги саволимиз шу ҳақида.
Аслида мен ММА жангчисиман. Бироқ боксга қизиққаним учун рингга чиқдим. Кейин менга бу жанг дебют бўлди ва рақибим деярли 40 та жанг ўтказган экан. Дебют қилиб туриб, 10-0, 20-0 натижали боксчига қарши рингга кўтарилмайманку. Шундай боксчилар менга қарши ММАда дебют қилиб кўрсин. Мен боксда 20-0 натижага эришган боксчига қарши октагонга кўтарилишга тайёрман. Мен боксда янгиман ва мен рингга ишлаб кўрдим. Бу мен учун катта тажриба бўлди. Рақибим ҳақида гапирсам, у кучсиз эмас эди. Натижалари ҳам ёмон эмас. Ўзи аслида менга боксда дебют қиладиган боксчини беришлари керак эди. Танқидчилар доим бўлади. Мен билан уришаман деган манаман боксчиларга қарши ММАда жанг қиламан. Уни октагонда дебюти бўлади, мени эса ўзим билан жангим бўлади. Қисқаси, менга бу жанг катта фойда бўлди.
Шу ўринда, тажрибали Паёзов профессионал рингда жами 40 та жанг ўтказган бўлиб, уларнинг 22 тасида ғалабага эришган. Ҳисобида 15 та нокаутли ғалаба бор. Рўзибоевнинг ММАдаги рекорди эса 42 тани ташкил қилади. Шундан 34 таси ғалаба. Энди эса спортчини профессионал боксда ҳам ҳозирча ягона ғалабаси бор.
Боксга кириш таклифи кимдан чиқди? Ёки ўзингиз шундай қарор қабул қилдингизми?
Бундай қарор аввалдан режамизда бор эди. 2018-йил бўлиб ўтган профессионал бокс оқшомида ринга кўтарилишим керак эди. Бироқ ушбу жанг маълум сабабларга кўра ўтказилмади. Насиб қилгани 2022-йилда экан.
Мухлисларингиз сизни UFCда кўришни исташганди. Лекин сиз тўсатдан бурилиш қилдингиз. Бу сизнинг карерангизга таъсир қилмайдими?
Биласизми, бундан олдин ҳам К1 ва Муай Тай спорт турларидаги оқшомларда иштирок этганман. Ушбу спорт турлари билан ҳозир ҳам шуғилланиб келаман. Худо хоҳласа, бокс ҳам улар қаторидан жой олади. Назаримда спортчига йўналиш кўп бўлиши таъсир қилмайди. Аксинча, уни яна-да ўсишига ва кучли бўлишига замин яратади. Лекин айтиб ўтишим керак. Асосий мақсадим УФCга чиқиш. Ҳозир визага ҳаракат қилябмиз. Визани олсак албатта УФC ҳам бўлади.
Бокс клублардан таклиф тушса, улар билан ҳам шартнома қиласизми?
Йўқ. Ҳозир менга Росссиядаги промотионлардан биридан таклиф тушябди. Агар у билан келишувга эришсак, улар билан ишлашим мумкин.
ММАдачи? Маҳмуд Мурадовга тегишли МПЛдан таклиф тушса, шартнома қилишингиз мумкинми?
Мен МПЛ билан шартнома қилмайман. Чунки бошқа промоушенлар билан шартномам бор ва улар томонидан менга яхши таклифлар бўляпти. Очиғини айтсам, келгусида ҳам МПЛда жанг қилмоқчи эмасман.
Боксдаги иккинчи жангингиз қачон? ММА даги жангингизчи?
Боксдаги навбатдаги жангим ҳақида ҳозирча ҳечнарса айта олмайман. Бироқ ММА даги навбатдаги жангим 10-апрел куни бўлади.
Учқун Намозов тайёрлади.
