Ўзбекистонда блокланган Twitter Илон Маск назоратига ўтди
Twitter Inc акциялари Илон Маск назоратидаги компания тарафидан сотиб олингани эълон қилди.
Битим доирасида битта акция 54,2 долларга баҳоланган. Битим амалга ошиши учун Маск 25 млрд.доллардан ортиқ кредит маблағларини жалб қилган. Агар мегарегулятор битимга қаршилик қилмаса, олди-сотди битими йил охиригача ёпилади.
Маск Twitter Inc кузатув кенгашига ўз таклифини юборган вақтда битта акциянинг нархи 44 доллар атрофида эди. Кеча эрталаб битим муваффақиятли кечаётгани маълум бўлгач, акциялар нархи 52 долларгача қимматлаган. Айни дамда акциялар бўйича савдолар тўхтатилган.
Твиттернинг 1,3 млрд. атрофида аккаунтлар бор, улардан 330 миллиони фаол ҳисобланади. Энг кўп фойдаланувчилар АҚШда - 80 млн. атрофида.
