Жаҳон

Латвияда рус тилига тақиқ қўйилди: жамоат телерадиокомпанияси контенти чекланди

Янги тартиб 2027 йил 1 январдан кучга киради, рус тилидан эса фақат фавқулодда вазиятлар ва дезинформацияни рад этиш каби айрим ҳолатларда фойдаланишга рухсат берилади.

Латвияда рус тилига тақиқ қўйилди: жамоат телерадиокомпанияси контенти чекланди

Латвия Сейми (парламент) мамлакатнинг жамоат телерадиокомпанияси LSM'га рус тилида мунтазам контент яратишни тақиқлади. Тегишли қонун 1 октябрь куни қабул қилинган бўлиб, 2027 йил 1 январдан кучга киради.

 

Қонун лойиҳасини 55 нафар депутат қўллаб-қувватлаган, 24 нафари қарши овоз берган. Янги тартибга кўра, рус тилидаги ахборот фақат айрим ҳолатларда, жумладан, фавқулодда вазиятларда, дезинформацияни рад этиш ёки «алоҳида ҳолат»да тарқатилиши мумкин.

 

LSM маълумотига кўра, фавқулодда вазиятлар қаторига муайян соҳадаги инқироз, фалокат ёки унинг хавфи билан боғлиқ ҳолатлар киради. «Алоҳида ҳолат» эса мамлакатга ташқи таҳдид юзага келиши ёки демократик давлат тузумига хавф туғдирувчи ички тартибсизликлар бошланганида эълон қилиниши мумкин.

 

Шунингдек, агар ахборот чалғитувчи, ёлғон ёки демократия ҳамда Латвия давлатига таҳдид солувчи деб баҳоланса, уни рус тилида рад этишга рухсат берилади. Бунда ОАВ давлат хавфсизлигига таҳдиднинг кўлами ва хусусиятини ҳисобга олиши керак.

 

Қайд этилишича, аввал Латвиянинг жамоат ОАВи миллий озчиликлар тилларида контент яратиши шарт эди. 2026 йил 30 март куни Латвия Конституциявий суди рус тили маҳаллий ОАВда етарли даражада мавжудлигини ва давлат уни қўллаб-қувватлашга мажбур эмаслигини билдирган.

 

Қонунни қўллаб-қувватлаган депутатлар мазкур ўзгариш медиа муҳитида латиш тилининг мавқеини мустаҳкамлашга хизмат қилишини таъкидлаган.

 

Мухолифат депутати Светлана Чулкова эса рус тилидаги контентнинг тақиқланиши Латвиядаги рус тилида сўзлашувчи аҳолини бошқа, жумладан, Латвияда тақиқланган Россия ОАВлари ва турли интернет платформаларига йўналтириши мумкинлигини билдирган.

Жанубий Кореяда имтиҳон можароси: таълим вазири истеъфога чиқди

Жанубий Кореяда имтиҳон можароси: таълим вазири истеъфога чиқди

Таълим вазири вазиятга олдиндан тайёргарлик кўрилмагани учун масъулиятни ўз зиммасига олди.

АҚШ денгиз портлари хакерлар нишонида: киберҳужумлар сони кескин ошди

АҚШ денгиз портлари хакерлар нишонида: киберҳужумлар сони кескин ошди

Мутахассислар бундай ҳужумлар юк ташиш ва энергия ресурслари экспортига жиддий зарар етказиши мумкинлигидан огоҳлантирмоқда.

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Ғарбий Соҳилда исроиллик кўчманчилар ҳужуми: 12 та автомобиль ёқиб юборилди

Босиб олинган Ғарбий Соҳилдаги бир нечта Фаластин қишлоғида содир бўлган ҳужумлар Исроилда ҳам сиёсий баҳсларга сабаб бўлди.

Мексикада наркокартел раҳбарини қўлга олиш операцияси: 11 киши ҳалок бўлди

Мексикада наркокартел раҳбарини қўлга олиш операцияси: 11 киши ҳалок бўлди

АҚШ Меса Флоресни қўлга олишга ёрдам берадиган маълумот учун 5 миллион доллар мукофот ваъда қилган эди.

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Ғазода озиқ-овқат тарқатаётган автомобилга Исроил дрони зарба берди: уч киши ҳалок бўлди

Автомобиль болаларга озиқ-овқат ва ичимлик тарқатиш учун тўхташга тайёрланаётган пайтда ракета билан урилгани айтилди.

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ҳормуз бўғозидаги ҳужумлар кучайди: Эрон иккита ракета учирувчи қурилмани намойиш этди

Ракета қурилмаси намойиши АҚШнинг Эрон ракета дастурини йўқ қилгани ҳақидаги баёнотлари фонида амалга оширилди.

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Ўйин саноатида рекорд: GTA VI илк кунидаёқ қарийб 4 миллиард доллар даромад келтирди

Бу кўрсаткич 2013 йилда чиқарилган GTA V’нинг дастлабки уч кунлик 1 миллиард долларлик натижасидан қарийб тўрт баравар юқори.

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Европада антибиотикларга чидамли бактерия тарқалиши хавфи ошмоқда: ЖССТ огоҳлантирди

Klebsiella pneumoniae сабабли юзага келган қон инфекциялари 2019–2025 йилларда 72 фоизга ошди.