Буюк Британия ва Швеция ўртасида хавфсизлик шартномаси имзоланди
Томонлар киберҳужумларга қарши бирга курашади.
Буюк Британия ва Швеция бош вазирлари ўзаро хавфсизлик кафолатларини имзолади.
Томонлар одатий ва гибрид таҳдидларга, шунингдек, киберхавфсизлик соҳасидаги таҳдидларга қарши курашишда ҳамкорлик қилишга келишиб олди. Гап разведка маълумотлари алмашинуви ва қўшма ҳарбий амалиётлар ўтказиш ҳақида бормоқда.
“Ушбу эълонлар мамлакатларнинг ҳар бири ўртасидаги мудофаа ва хавфсизлик соҳасидаги ҳамкорликда кескин ўзгаришларга олиб келади” , — дейилади хабарда.
Британия бош вазири Борис Жонсон Швеция ва Финляндияга сафар қилди. Бу ташриф икки давлат ҳукуматлари НАТОга аъзо бўлиш учун ариза топшириши мумкинлиги фонида амалга ошилди.
