Жанубий Корея президенти КХДРга вакцина ва дори-дармон жўнатмоқчи
Пайшанба куни Шимолий Кореяда илк коронавирус ҳолати аниқланган эди.
Жанубий Корея президенти Юн Сок Ёль КХДРга коронавирусга қарши вакцина жўнатишни таклиф қилди.
Президент вакили Кан Ин Соннинг сўзларига кўра, вакцина билан бирга бошқа дори-дармонлар етказиб берилиш режалаштирилмоқда. Бундан ташқари, Шимолий Кореяда коронавирус ҳолатларининг кўпайиши бошқа вирусли касалликларнинг ҳам ортишига сабаб бўлган.
Президент вакили Пхеньян шу кунга қадар ушбу сўровномага жавоб бермаганини маълум қилган.
Жума куни КХДРда 350 минг киши COVID-19 билан касаллангани, олти киши вафот этгани очиқланди. Вафот этганлардан бирида “омикрон” штамми аниқланган.
Аввалроқ Шимолий Кореяда илк коронавирус ҳолатлари аниқлангани тўғрисида хабар берилганди.
