Зеленский Африка Иттифоқига илтимос билан мурожаат қилди
Иттифоқ унга видеоконференция орқали ташкилотга мурожаат қилиш имкониятини берди.
Африка Иттифоқи Украина президенти Владимир Зеленскийнинг илтимосини қондиришга ва унга видеоконференсия орқали ташкилотга мурожаат қилиш имкониятини беришга қарор қилди. Бу ҳақда Сенегал матбуот агентлиги хабар берди.
Агентлик маълумотларига кўра, ҳозирда бу қайси сана ва қандай шароитларда бўлиб ўтиши аниқланмоқда. Зеленский 11 апрел куни Салга қўнғироқ қилиб, иттифоқ ҳукумати раҳбарлари билан гаплашиш имкониятини сўради.
Африка Иттифоқи делегацияси раҳбари Маки Сал Россия президенти Владимир Путиннинг таклифига биноан Россияга боради. Икки давлат раҳбарларининг учрашуви 3 июн куни Сочида бўлиб ўтади.
Аввалроқ Сал Киевга ташриф буюришни режалаштирган, бироқ Сочидан Гана пойтахти Аккрага учиб кетишга қарор қилган, у ерда 4 июн куни Мали, Гвинея ва Буркина-Фасодаги вазият бўйича Ғарбий Африка мамлакатлари иқтисодий ҳамжамиятининг навбатдан ташқари саммити бўлиб ўтади.
