АҚШда олти ойдан бошлаб болаларни коронавирусга қарши эмлашга рухсат берилди
Шу мақсадда қайси вакциналардан фойдаланилиши очиқланди.
АҚШда Pfizer ва Moderna вакциналар билан болаларнинг эмланишига рухсат берилди. Бу ҳақда The New York Times хабар берди.
Газета маълумотларига кўра, экспертлар ушбу вакциналарнинг олти ойлик болалардан бошлаб кўлланилишига рухсат берган. Ушбу тартиб шу ҳафтанинг ўзидаёқ кучга кириши мумкин.
Pfizer уч компонентли вакциналари билан 6 ойдан 4 ёшгача бўлган болалар эмланади. Moderna эса икки босқичли препарат тақдим этган, у 6 ойдан 5 ёшга бўлган болаларга нисбатан қўлланилади.
АҚШнинг ўзи ҳозирда 1 миллион доза вакцинага буюртма берган.
Шу кунга қадар Қўшма Штатларда фақатгина беш ёшдан ошган болалар коронавирусга қарши эмланар эди.
Эслатиб ўтамиз, аввалроқ АҚШ Шимолий Кореяга коронавирусга қарши вакцина етказиб бериши мумкинлиги тўғрисида хабар берилганди.
