Ўзбекистонлик қиз Халқаро биология олимпиадасида бронза медални қўлга киритди
Бронза медали учун ўқувчига 60 млн сўм пул мукофоти билан тақдирланади.
Ўзбекистонлик ўқувчи қиз Арманистонда ўтказилаётган 33-Халқаро биология олимпиадасида қатнашиб, бронза медалини қўлга киритди. Бу ҳақда Халқ таълими вазирлиги ахборот хизмати хабар берди.
Қайд этилишича, дунёнинг 64 давлатидан 256 нафар ўқувчи қатнашган мазкур олимпиадада Тошкент педиатрия институти академик лицейи ўқувчиси Азиза Абдувалиева бронза медалини қўлга киритди.
Белгиланган тартибга кўра, медаль соҳиби олий таълим муассасасига тест синовларисиз, давлат гранти асосида қабул қилинади. Бронза медали учун ўқувчига 60 млн сўм, унинг ўқитувчисига эса 45 млн сўм пул мукофоти билан тақдирланади.
