0
АҚШ Афғонистонга 150 млн доллар ажратди
Маблағ учта ташкилот орқали ўтказилади.
АҚШ БМТнинг учта ташкилоти орқали Афғонистонга 150 миллион доллар ёрдам ажратди. Бу ҳақда АҚШнинг Афғонистон бўйича махсус вакили Томас Уест маълум қилди.
“Биз Афғонистондаги иқтисодий инқирозни енгиб ўтиш учун астойдил ҳаракат қилмоқдамиз. 150 миллион доллар озиқ-овқат хавфсизлиги муаммосини ҳал қилишга ёрдам беради, афғон болаларини мактабда сақлаб қолади ва аёл-қизларнинг имкониятларини кенгайтиради”, - дейилади Уест баёнотида.
Унинг сўзларига кўра, Қўшма Штатлар БМТнинг Озиқ-овқат ва қишлоқ хўжалиги ташкилотига 80 миллион доллар, БМТнинг ЮНИСЕФ болалар жамғармасига 40 миллион доллар, БМТ аёллар ташкилотига 30 миллион доллар ажратган.
