0
Камёб қора олмалар ҳақида эшитганмисиз?
Унинг ҳар бир донаси 7,4 доллар туради.
Дунёда олманинг 7,5 мингдан ортиқ навлари мавжуд бўлиб, улар орасида жуда кам учрайдиганлари ҳам бор. Масалан, "Қора олмос" нави. Мазкур рангнинг сири нимада?
Бу ўзига хос иқлим шароитлари билан боғлиқ. Қора олма Тибет тоғларида денгиз сатҳидан 3100 метр баландликда жойлашган боғда ўсади. Нав махсус пайвандлаш технологиясидан фойдаланган ҳолда яратилган.
"Қора олмос" нави ғайриоддий рангга эга бўлгани туфайли уни Пекин, Шанхай, Гуанчжоу ва Шенчжендаги элита супермаркетларда чекланган миқдорда топиш мумкин, ҳар бир меваси тахминан 7,4 доллар туради.
Ушбу олмалар ширин ва сершира бўлиб, фойдали минераллар ҳамда микроорганизмларга бойлиги билан оддий олмалардан деярли фарқ қилмайди.
