Ўзбекистон терма жамоаси 43-Болқон математика олимпиадасида тарихий натижани қайд этди
Жамоа аъзолари 5 та олтин медални қўлга киритди.
Грецияда ўтказилган 43-Болқон математика олимпиадаси (БМО) якунларига кўра, Ўзбекистон терма жамоаси тарихий натижани қайд этди — жамоа аъзолари 5 та олтин медални қўлга киритди.
Олтин медаль соҳиблари қуйидагилар:
- Азизбек Мамажонов — Ал-Хоразмий номидаги ихтисослаштирилган мактабнинг Гулистон филиали ўқувчиси
- Умарбек Убайдуллаев — Сергели туманидаги ихтисослаштирилган мактаб ўқувчиси
- Жавоҳир Анваров — Термиз шаҳридаги 14-сонли мактаб ўқувчиси
- Элшод Ўралов — Термиз шаҳридаги 14-сонли мактаб ўқувчиси
- Элбек Зоҳиджонов — Ал-Хоразмий номидаги ихтисослаштирилган мактаб ўқувчиси
Қайд этилишича, мазкур натижа Ўзбекистон терма жамоаси учун Болқон математика олимпиадалари тарихидаги энг юқори кўрсаткичлардан бири бўлди.
Маълумот учун, 2025 йилда Босния ва Герсоговинада ўтказилган 42-Болқон математика олимпиадасида Ўзбекистон жамоаси 1 та олтин ва 4 та кумуш медални қўлга киритган.
