Белгияда коронавируснинг янги тўлқини бошланди
Францияда ҳам эпидемик вазият ёмонлашган.
Белгия соғлиқни сақлаш вазирлиги мамлакатда коронавирус пандемиясининг янги тўлқини бошланганини тасдиқлади. Бу ҳақда “Интерфакс” нашри ёзмоқда.
Ўтган ҳафтадан кунлик касалланиш ҳолатлари 26 фоизга ошиб, 2823 тага етган, шифохонага ётқизилганлар сони эса 28 фоизга кўпайган.Инфекция тарқалишининг энг юқори чўққиси октябрь ойининг ўрталарида бўлиши кутилмоқда.
Францияда ҳам экспертлар коронавирус инфекцияси кўпайиши муносабати билан ниқоблар режимини қайтариш масаласини муҳокама қила бошлаган. Агар эпидемиологик вазият шу тарзда давом этса, мамлакатда пандемиянинг саккизинчи тўлқини бошланади.
