Новосибирск — Андижон — Новосибирск рейси кечиктирилди
Ҳолатга Uzbekistan Airports изоҳ берди.
«ИрАэро» авиакомпаниясининг Новосибирск — Андижон — Новосибирск йўналишидаги парвози техник носозлик туфайли кечиктирилди. Ҳозирда самолётга Новосибирск аэропортида техник хизмат кўрсатилмоқда. Парвоз Новосибирск вақти билан, соат 15:00 да учиши режалаштирилган.
«Андижон» аэропорти парвозлар жадвали ўзгарганлиги ортидан рейсни қабул қила олмаслиги сабабли, ИАЭ7771 рейси Фарғона аэропортига маҳаллий вақт билан соат 17:50 да етиб келади.
Фарғона аэропортидан қайтиш рейси 18 октябрь куни соат 18:45 га белгиланган. Новосибирскка етиб келиш эса 21:15 да режалаштирилган.
ИАЭ7772 рейси йўловчиларига Андижон аэропортига маҳаллий вақт билан соат 13:00 да етиб келишлари ҳақида хабар тарқатилади.
Шу муносабат билан, Новосибирскга ИАЭ7772 рейси билан учаётган йўловчилар учун Андижон аэропортидан Фарғона аэропортига трансфер ташкил қилинади.
