Термизда ноқонуний балиқ овловчилар ушланди
Бу бўйича вилоятда тунги рейд ўтказилган.
Сурхондарё вилоятининг Термиз туманида ноқонуний балиқ овловчилар ушланди. Бу ҳақда Давлат экология қўмитаси хабар бермоқда.
Қайд этилишича, вилоят Экология ва атроф- муҳитни муҳофаза қилиш бошқармаси, ИИБ ва вилоят Миллий гвардия ходимлари билан биргаликда тунгги рейд тадбири ўтказилган.
Олиб борилган назорат тадбирлари давомида Термиз тумани “Нурафшон” маҳалласи ҳудудидан оқиб ўтувчи “Учқизил” каналидан Жарқўрғон туманида яшовчи фуқаролар Т.Т ҳамда А.О. тақиқланган усуллар ва тақиқланган ов қуроли (электрқармоқ) билан ов қилаётган вақтида ашёвий далиллар билан ушланган.
Бир дона резина қайиқ, бир дона аккумлятор, қўлбола электр қармоқ ва овланган балиқлар ашёвий далиллар сифатида олиб қўйилган.
Мазкур ҳолат юзасидан бирламчи ҳужжатлар тайёрланиб, ҳайвонот оламига етказилган зарар ҳисобланмоқда.
