БМТ: Февраль ойидан бери Украинада салкам 7000 тинч аҳоли ҳалок бўлди
Ташкилот рақамлар бундан ҳам анча юқорилигини айтмоқда.
БМТ Инсон ҳуқуқлари бўйича Олий комиссари бошқармаси уруш бошланганидан бери Украинада 6884 нафар тинч аҳоли ҳалок бўлгани ва 10947 нафари жароҳатланганини қайд этди. Ҳалок бўлганлардан 429 нафари болалар: Улардан 175 нафари қиз, 216 нафари ўғил, 38 нафар шахснинг жинси ҳали аниқланмаган. Ярадорлар орасидан ҳам 800 нафарини болалар ташкил қилади.
Бирлашган Миллатлар Ташкилоти маълумотларига кўра, тинч аҳолининг ўлими ёки жароҳати сони бундан анча юқори бўлиши мумкин.
