Тиббий чиқиндиларни зарарсизлантиришга миллиардлаб пул ажратилади
Бугунга келиб 6,8 миллион тонна қаттиқ маиший чиқиндиларнинг 2,2 миллион тоннаси қайта ишланди.
Ўзбекистонда қурилиш чиқинди полигонларини қуриш учун қарийб 28 миллиард сўм, тиббиёт чиқиндиларини зарарсизлантириш участкаларини қуриш учун эса 50 миллиард сўм маблағ молиялаштирилади.
Қайд этилишича, 2023-2025 йиллар давомида 29 та қаттиқ маиший чиқинди полигонларини рекультивация қилиш, 437 та чиқинди йиғиш шохобчаларини қуриш режалаштирилган.
Қуйидаги ишлар учун 1,1 триллион сўм маблағ молиялаштирилади:
- 26 та қурилиш чиқинди полигонларини ташкил этиш;
- ижтимоий соҳа объектларига 18 867 та чиқинди контейнерлари харид қилиш;
- 38 та қаттиқ маиший чиқиндиларни қайта юклаш станцияларини ташкил этиш;
- 60 та тиббиёт чиқиндиларини зарарсизлантириш участкаларини ташкил этиш ҳамда саралаш ускуналарини ўрнатиш.
- Бу йил ушбу дастурларни амалга ошириш учун жами 170 миллиард сўм, шу жумладан, қайта юклаш станцияларини ташкил этиш учун 92,2 миллиард сўм маблағ молиялаштирилиши белгиланди.
- Маълумот учун, бугунги кунда давлат-хусусий шериклик лойиҳаларинг амалга оширилиши натижасида 6,8 миллион тонна қаттиқ маиший чиқиндилар олиб чиқилиб, уларнинг 2,2 миллион тоннаси қайта ишланди.
