Сурхондарёда бир гуруҳ шахслар мижоз талашиб жанжаллашди
Улар бир-бирларини тош ва таёқлар билан урган.
Сурхондарё вилоятининг Узун туманида 5 январь куни бир гуруҳ шахслар мижоз талашиб жанжаллашди. Бу ҳақда вилоят ИИБ ахборот хизмати хабар қилмоқда.
Қайд этилишича, Узун туманида яшовчи Р.Ш., Н.З., Э.Э., С.Ш., С.Ш, С.И. ва бошқалар бир гуруҳга бирлашган. Улар 5 январь куни соат 11:10 ларда «Ўзбекистон» маҳалласи ҳудудида жойлашган «Автошоҳбекат»да қўлларига турли хилдаги тош ва таёқлар олиб, К.К., Э.Э., К.К., М.М., Р.Р. ва Б.Б.лар билан мижоз талашиши оқибатида ўзаро жанжаллашиб қолади. Шундан сўнг бир-бирларини дуч келган жойларига уриб тан жароҳати етказишган.
Ҳолат юзасидан Р.Ш., Н.З., Э.Э., С.Ш., С.Ш, С.И., К.К., Р.Р. ва Б.Б.ларга нисбатан Жиноят кодексининг 277-моддаси 3-қисми «г» банди билан жиноят иши қўзғатилган.
